راحت السكرة اللي كنا فيها والأخطاء اللي أقترفناها بإنتخاب نواب يهمهم التكسب الشخصي على حساب الكويت
ويات الفَكرة وحان وقت التفكير الجدي لمن سنعطي أصواتنا
لقد كنا في سكرتنا نتبع أمور شخصية في إخيارنا لنواب الأمة.. فمنا من يختار نائب الخدمات ومنا من تحكمة النعرة القبلية والطائفية ومنا من يختار على اساس من يدفع أكثر..
بكينا وبكت الكويت معنا خلال السنة الماضية بالتحديد على عمر الكويت الذي إنتقص منة سنة كاملة بسبب ضعف الحكومة وتخاذل المجلس وإهتمامة بهوامش الأمور... لا نعلم إن كانت الحكومة ستأتي بقدر الطموح الشعبي أم لا ولكن بيدنا نحن أن نأتي برجال ونساء قادرين أن يخففوا على الاقل من حالة كساد التنموي والسياسي بالبلد..
شنو نبي من النواب؟؟
اللي قاعد ياخذ رشوة أو خدمة مقابل الصوت... تعال خل نحسبها...(500)(1000)(1500) دينار؟؟ وبعدين أنت ياللي خذيت هالمبلغ تدري إنك يمكن تقطة على فحوصات طبية في مستشفى خاص؟؟ طيب ما تدري إنت لو امصوت لواحد كفو إن جان خلى مستوصف منطقتكم يسوي 10 مستشفيات خاصة وسنعة؟؟
وأنت ياللي قاعد تعطي ولد عمك أو من قبيلتك أو حتى صديق لك تعال خل نحسبها... عطيتة وفادك اليوم وباجر لكن بعد مدة لا طلع اشبفيدك فية؟؟ وقفت حنفية الخدمات اللي تاخذ منها.. لكن لو عطيت واحد كفو إن جان ضبطلك وضبط غيرك من خدمات للدولة
ترى العملية مو صعبة يا جماعة .. وأنا ادري إن ثلثين أصوات الكويت توزع مجاملات... اوكي جاملة ولا تزعلة لكن وقت التصويت حط الكويت بين عينك
واحد يمكن يقولي يا عمي مايفيدني انا ابي مصلحتي وبس.... ارد علية وأقولة أوكي يابو مصلحة حقك .. بس تعال وأحسبها معاي
الازمة الإقتصادية القادمة.. هل يستطيع نائبك او ولد عمك او اللي من جماعتك او اي احد اخترتة على اساس غير عقلاني او منطقي
هل يستطيع أن يأتي بقوانين تنتشلنا من هذة الازمه؟؟ وإذا كانت الإجابه بنعم (مع إني أشك) هل يستطيع أن يأتي بأغلبية ويتم إقرار هذا القانون؟؟
أكيد لا وألف لا... الكويت تغرق بجميع المجالات وهذا المحمل او البوم الأخير لنا فهل نتعظ؟؟
يا جماعة الكلام اللي قاعد نقولة ليس بكلام لمجرد الكلام... هذا الكلام حساس جدا للكويت فنتبهوا لة
الجميع يرى نائبة أنة يمشي بالمسار الصحيح ولكن هل هو فعلا يمشي بالمسار الصحيح؟؟
ويات الفَكرة وحان وقت التفكير الجدي لمن سنعطي أصواتنا
لقد كنا في سكرتنا نتبع أمور شخصية في إخيارنا لنواب الأمة.. فمنا من يختار نائب الخدمات ومنا من تحكمة النعرة القبلية والطائفية ومنا من يختار على اساس من يدفع أكثر..
بكينا وبكت الكويت معنا خلال السنة الماضية بالتحديد على عمر الكويت الذي إنتقص منة سنة كاملة بسبب ضعف الحكومة وتخاذل المجلس وإهتمامة بهوامش الأمور... لا نعلم إن كانت الحكومة ستأتي بقدر الطموح الشعبي أم لا ولكن بيدنا نحن أن نأتي برجال ونساء قادرين أن يخففوا على الاقل من حالة كساد التنموي والسياسي بالبلد..
شنو نبي من النواب؟؟
اللي قاعد ياخذ رشوة أو خدمة مقابل الصوت... تعال خل نحسبها...(500)(1000)(1500) دينار؟؟ وبعدين أنت ياللي خذيت هالمبلغ تدري إنك يمكن تقطة على فحوصات طبية في مستشفى خاص؟؟ طيب ما تدري إنت لو امصوت لواحد كفو إن جان خلى مستوصف منطقتكم يسوي 10 مستشفيات خاصة وسنعة؟؟
وأنت ياللي قاعد تعطي ولد عمك أو من قبيلتك أو حتى صديق لك تعال خل نحسبها... عطيتة وفادك اليوم وباجر لكن بعد مدة لا طلع اشبفيدك فية؟؟ وقفت حنفية الخدمات اللي تاخذ منها.. لكن لو عطيت واحد كفو إن جان ضبطلك وضبط غيرك من خدمات للدولة
ترى العملية مو صعبة يا جماعة .. وأنا ادري إن ثلثين أصوات الكويت توزع مجاملات... اوكي جاملة ولا تزعلة لكن وقت التصويت حط الكويت بين عينك
واحد يمكن يقولي يا عمي مايفيدني انا ابي مصلحتي وبس.... ارد علية وأقولة أوكي يابو مصلحة حقك .. بس تعال وأحسبها معاي
الازمة الإقتصادية القادمة.. هل يستطيع نائبك او ولد عمك او اللي من جماعتك او اي احد اخترتة على اساس غير عقلاني او منطقي
هل يستطيع أن يأتي بقوانين تنتشلنا من هذة الازمه؟؟ وإذا كانت الإجابه بنعم (مع إني أشك) هل يستطيع أن يأتي بأغلبية ويتم إقرار هذا القانون؟؟
أكيد لا وألف لا... الكويت تغرق بجميع المجالات وهذا المحمل او البوم الأخير لنا فهل نتعظ؟؟
يا جماعة الكلام اللي قاعد نقولة ليس بكلام لمجرد الكلام... هذا الكلام حساس جدا للكويت فنتبهوا لة
الجميع يرى نائبة أنة يمشي بالمسار الصحيح ولكن هل هو فعلا يمشي بالمسار الصحيح؟؟
هناك تعليقان (2):
صح لسانك
لو اللي بيفكر فكر كان ما فعل ما فعل
إرسال تعليق