ليش نظرتنا للمرشحات دايما تكون من منظور حالتهم الاجتماعية؟
ليش نظرتنا للمرشحة المطلقة مثلا أو العانس تختلف عن نظرتنا للمرشحة المتزوجة؟
مع ان الكثير من المرشحين الرجال حرامية...و الاكثر سرسرية..بس محد يأطرهم بهالاطار...المهم حنجرتة
للاسف حتى بالعمل السياسى ننظر للاشياء من منظور الريال شايل عيبة...و لو فيها خير جان ما طلقها ريلها أو جان لقت ريل
هل حالة المرأة الاجتماعية مهمة للحكم على أداءها البرلمانى و فكرها و حالتة الرجل غير مهمة؟
هناك 7 تعليقات:
صراحه سؤالك صعب
بس شوف هذي يمكن عندها جواب
http://www.annaharkw.com/annahar/Article.aspx?id=65777
لما قريت استفتائك تذكرت الكويت قبل اربعين سنة
وقلت لنفسي
الله شكثر ولهت على الكويت
الحين انت ياي تكحلها ولا تعميها
انت اساسا حطيت المرأة و لصقت عليها ليبل عانس و مطلقة حالك حال غيرك
المسألة مو ليش نقيمهن على اساس الحالة الاجتماعية
المشكلة ليش اساسا نسمى المرأة الي تأخرت في الزواج عانس؟
يعني بالله ما عمركم سمعتوا ان الزواج قسمة و نصيب؟
متى مان الزواج انجاز؟ و تفريخ الاطفال هم انجاز؟
و الي ما تبي تتزوج شلون؟ ما لها رب؟
زين و المطلقة لازم نحط اصبعنا في عينها و نذكرها انها مطلقة؟
و العاقر نسميها عاقر؟
عيل خل نسمى فلان المرشح العاقر لانه ما ياب عيال
كل ما ارتفع صوته بساحة الصفاة و نسبه على المدونات لما ما يعجبنا طرحه و نقول هالعاقر الي ابتلشنا فيه و حامض على بوزه الصوت
الحرمنة و السرسرة مو وصف للحالة الاجتماعية...اسمح لي
قول ليش ما نسمي فلان مطلق و فلان عانس و فلان عاقر حالهم حال النساء
أولا كلمة عانس تطلق على الرجل والمراة لغويا على حد سواء
ثانيا المشكلة في التربية والمفاهيم الموروثة والعادات اللي ما قصر فيها المجتمع
لو على التفريخ ترى والله جان كل النساء فرخوا واصلا ثلاث ارباع بيوتنا خربانة ... المجتمع همه المنظر بس
صج ؟!
في أحد قليل أدب لي هالدرجة و ياب هالطاري ؟
والله الناس ما يستحون
للأسف المفاهيم واايد مختلطه عند الناس
تسلم ايدج على الموضوع الحساس بصراحه :)
المنطق ما يطلع من مهابيل
والمرشحين الرييايل المهابيل عادة ما ينجحون
اوكي فلت الصقر
بس هذا مو معناته ان المنطق مو سايد
بعدين ليش الحساسية من العنوسة
مره و عانس
خير يا طير
بس اذا استملقت المرة و بدت تنظر و تقول شعر غثيث
اي ما فيها شيء لما يُصحح لها الوضع
مو منطق؟
اشكرج اسيل
لغتج صحيحة
و منطقية
:>
إرسال تعليق